«Ҳеч қачон ўзгармайман». Гави — 2026 йил жаҳон чемпионатида ўз манзилига бўлган танқид ҳақида

Испания терма жамоаси ярим ҳимоячиси Гави ўзининг ўйин услуби ва мухлислар томонидан билдирилаётган танқидлар ҳақида фикр билдирди.

«Кўпчилик менинг қайси бир куни адашишимни кутяпти, чунки майдонда қаттиқ ўйнайман, яккакурашларга қўрқмай кириб бораман. Бундай ўйин услуби ҳаммага ҳам ёқавермайди. Ўзимни ҳар томонлама етук футболчи деб биламан, ўйинимда турли ранглар бор, деб ўйлайман. Энг катта кучли томоним — бу рақобат руҳи ва майдонга чиққанда ўзимни тўлиқ бағишлашим. Мен бундан ҳеч қачон чекинмайман. Ва биламанки, доим менинг хатомни кутадиганлар топилади», — деди у.

«Эҳтимол, сабаб шудадир: жуда катта шавқ билан ўйнайман, ҳар доим жамоа манфаати учун боримни бериб ҳаракат қиламан. Бу эса ҳамманинг ҳам кўнглидан жой олмайди — баъзиларни бундай ўйин услуби ҳатто асабийлаштиради», — дея Гавининг сўзларини келтиради Mundo Deportivo.

Эслатиб ўтамиз, Испания жаҳон чемпионати – 2026 мусобақасининг 1/8 финалига йўл олди. Терма жамоа 6 июль куни Португалияга қарши майдонга тушади.