Ҳоланд Норвегия терма жамоасининг ЖЧ-2026 да ғалаба қозониш имкониятларини баҳолади

Норвегия терма жамоасининг жаҳон чемпионатида ғолиб чиқиш эҳтимоли ҳали ҳам жуда паст, деб ҳисоблайди Эрлинг Холанд. Унинг таъкидлашича, мусобақада бир қатор очиқ фаворитлар бор ва улар орасида Англия алоҳида ажралиб туради.

«Норвегиянинг жаҳон чемпионатини ютуш имконияти? Ҳали ҳам жуда кам. Бу ерда бир неча аниқ фаворитлар бор, Англия шулардан бири. Сиз, журналистлар, инглиз йигитларига босим ўтказишингиз керак», — дея кулиб айтган Холанднинг сўзларини ESPN келтиради.

Жаҳон чемпионати чорак финалида Норвегия Англияга қарши майдонга тушади. Учрашув 11 июлдан 12 июлга ўтар кечаси Тошкент вақти билан 02:00да бўлиб ўтади.

Жорий мундиалда «Манчестер Сити»нинг 25 ёшли ҳужумчиси Эрлинг Холанд 5 ўйинда 7 та гол урди ва яна бир бор ҳамжамоасини голли пас билан таъминлади.