Ҳозир Англияда шу иккисидан зўри йўқ!

 “Тоттенхэм” ҳимоячиси Кристиан Ромеро Англия премьер-лигасидаги энг зўр ҳамкасблари кимлигини айтди.

“Ливерпуль” ҳимоячиси Виржил ван Дейкнинг ўйинида пасайиш кузатилаётганига қарамай, Ромеро нидерландиялик футболчини ўз позиция бўйича энг зўр ўйинчи эканини таъкидлади.

Шунингдек, Ромеро “Манчестер Юнайтед”нинг янги вакили Лисандро Мартинесни ҳам премьер-лигадаги энг ишончли ҳимоячи сифатида эътироф этди. Ромеро манчестерликлар ҳимоячиси билан бирга Аргентина терма жамоасида тўп тепади ва унинг имкониятларини яхши билади.

- Авваллари фақат “Барселона”нинг ўйинини томоша қилиш ёқарди. Чунки Карлес Пуйоль, Жерар Пике, Хавьер Маскеранонинг ҳаракатларини кузатиб борардим. Жамоа жуда чиройлик ўйнарди.

Бугунги кунда энг яхши ҳимоячилар сифатида ҳар доимгидек Виржил Ван Дейк ва “Манчестер Юнайтед”даги Лисандро Мартинесни кўрсатишим мумкин. Ҳозир премьер-лигада улардан зўри йўқ, - деди Кристиан Ромеро.