Ҳужумчиларидан норози бўлаётган Клопп зўр тўпурарни кўзлади

“Ливерпуль” бош мураббийи Юрген Клопп ёзда “Лион” билан шартномаси якунланадиган Мемфис Депайни ўз жамоасига қўшиб олишга қарор қилди. Германиялик мутахассис шу йўл билан жамоа ҳужум чизиғидаги рақобатни оширмоқчи.

Маълумотларга қараганда, Клопп “Ливерпуль”нинг ҳужумдаги самарадорлиги пасайиб кетганидан норози бўлмоқда ва жамоага янги тўпурар керак, деган фикрни илгари сурмоқда.

Ана шу мақсадда, “Ливерпуль” раҳбарияти тез орада Мемфис Депай билан музокара киришмоқчи. Чунки нидерладиялик футболчига “Барселона” ва “Ювентус”дан жиддий қизиқиш бўлмоқда.

Аслида “Лион” раҳбарияти ёзда  эркин агентга айланадиган ҳужумчини бепул қўйиб юбормаслик учун уни қишда 5 миллион евро атрофидаги маблағга қўйиб юбормоқчи эди. Бироқ, Депайга қизиқаётган клублардан жўяли таклиф бўлмади.