"Ҳумо" ўқув-машғулот йиғинини Европада ўтказмоқда

Янги мавсумни Қозоғистон чемпионатида бошлайдиган "Ҳумо" ҳоккей клуби бўлажак баҳсларга тайёргарликни бошлаб юборди.

"Қанотлилар" матбуот хизмати тарқатган хабарга кўра, жамоа ўқув-машғулот йиғини ўтказиш учун Беларусга йўл олди. Тошкентликлар Минск шаҳрида 15 августга қадар шуғулланади.

"Ушбу йиғиндан асосий мақсад жисмоний ҳолат ва тактика устида ишлаш. Машғулотлар давомида жамоага бир неча янги ўйинчи келиб қўшилади. Дастлабки назорат учрашувларида майдонга тушиш режалаштирилган",-дейилади клуб матбуот хизмати тарқатган хабарда.