Ҳумоюн Маҳкамов қирғизистонлик рақибини муддатидан аввал таслим этди

Айни дақиқаларда Қирғизистоннинг Бишкек шаҳрида ММА бўйича "WEF126-Prof fight 53" турнири бўлиб ўтмоқда.

Ушбу жанг кечасида бир қатор ўзбекистонлик жангчилар ҳам октагонга кўтарилишга улгурди. Жумладан, ярим ўрта вазн тоифасида юртдошимиз Ҳумоюнбек Маҳкамов қирғизистонлик Баяман Назаралиевга қарши жанг қилди. Қувонарлиси, ҳамюртимиз 2- раундда техник нокаут билан ғалаба қозонди. Шу тариқа у профессионал фаолиятидаги илк жангини ўтказиб, рекордини 1-0 кўринишга олиб келди. Ўз ўрнида ушбу муҳим ғалаба билан жангчимизни муборакбод этамиз.