
Ҳусанов яна гол уради! “Манчестер Сити” Англия кубогида сенсация кўтарган ўта хавфли рақибга рўбарў бўлди
“Манчестер Сити” футболчилари жорий мавсумни муваффақиятли якунлаш учун нуфузли соврин – Англия кубогини қўлга киритишга ҳаракат қилмоқда.
Хосеп Гвардиола шогирдлари ҳозирча бу мусобақада фақат қуйи лигалар жамоаларига тўқнаш келмоқда. Хусусан, мусобақага учинчи босқичдан қўшилган “шаҳарликлар” 1/32 финалда “Сэлфорд Сити” жамоаси дарвозасига жавобсиз саккизта тўп киритган.
Кейинги босқичда Хосеп Гвардиола шогирдлари “Лейтон Ориент” жамоаси меҳмони бўлиб, қийинчилик билан ғалаба қозонди. Биринчи бўлиб тўп ўтказиб юборган Англиянинг амалдаги чемпионлари иккинчи бўлимда майдонга тушган Абдуқодир Ҳусанов голи эвазига ўйинда бурилиш ясади.
Кевин де Брюйненинг аниқ зарбаси мағлубиятни ғалабага айлантирди.
“Манчестер Сити” Англия кубогининг бешинчи босқичида “Плимут” жамоасига қарши саф тортадиган бўлди. Бўлажак учрашувда Абдуқодир Ҳусановнинг мухлислари легионеримизнинг яна майдонга тушиши ва гол уришини кутаётганини эътироф этиш лозим.
Таъкидлаш жоизки, “Плимут” қуйи лига вакили бўлса-да, ўта хавфли рақиб ҳисобланади. Чунки бу жамоа аввалги икки босқичда Премьер-лига клубларини мусобақадан чиқариб юборди ва катта шов-шувларга сабабчи бўлди.
Дастлаб “Плимут” футболчилари “Брентфорд” меҳмони бўлиб, Уиттакернинг ягона голи эвазига, уйга ғалаба билан қайтди. Кейинги баҳсда улар Премьер-лига пешқадами “Ливерпуль”га рўбарў келади.
Бу баҳсда кўпчилик Арне Слот жамоасининг муваффақиятига ишонган эди. Лекин Хардининг пенальтидан киритган биргина голи “қизиллар”нинг ортга қуруқ қайтишига етарли бўлди.
“Манчестер Сити” аввалги икки мусобақада финалга чиққанини таъкидлаш лозим. 2022-2023 йилги мавсумда Хосеп Гвардиола шогирдлари требл қайд этиб, Англия Премьер-лигаси ва Европа Чемпионлар лигаси бош соврини ёнига Англия кубогини ҳам қўшиб қўйганди.
Ўтган йилги турнирда “шаҳарликлар” Манчестернинг иккинчи вакили “Юнайтед”га 1:2 ҳисобида ютқазиб қўйди ва кубокдан қуруқ қолди.
Умуман олганда, “Манчестер Сити” ўзтарихида етти маротаба мамлакат кубогини қўлга киритган. Шу совринлардан иккитаси айнан Хосеп Гвардиола бош мураббийлик даврида олинган.
Кейинги босқичдаги жуфтликлар қуйидагича кўриниш олди:
“Манчестер Юнайтед” – “Фулхэм”
“Ньюкасл” – “Брайтон”
“Манчестер Сити” – “Плимут”
“Астон Вилла” – “Кардифф”
“Борнмут” – “Вулверхэмптон”
“Ноттингем Форест” – “Ипсвич”
“Кристал Пэлас” – “Миллуол”
“Престон” – “Бернли”.
Учрашувлар 1-2 март кунлари бўлиб ўтади.
Файзуллаев асосий таркибдан чиқарилдими?
Файзуллаев хавотирга соляпти!
Файзуллаев Ҳусанов муҳим воқеага сабабчи бўлганини айтди!
Фикрлар