Ҳусановнинг трансфер қиймати 100 миллион еврога чиқади
Абдуқодир Ҳусанов “Манчестер Сити” ҳимоячи чизиғида кадрлар танқислиги фонида жамоанинг асосий фигурасига айланиб бормоқда. 21 ёшли легионеримиз январь ойида жамоаси иштирок этаётган Англия Премьер-лигаси, мамлакат кубоги ва Карабао кубоги мусобақаларида бошланғич таркибда ўйнаяпти.
“Уотфорд” ижарасидан қайтган ёш футболчи Макс Аллейн билан биргаликда ҳимоя марказини мустаҳкам ушлаб турган Абдуқодир Ҳусановнинг ишончли ўйини мухлису мутахассислар эътирофига сазовор бўляпти.
Sports.uz портали “Манчестер Сити”нинг ижтимоий тармоқлардаги расмий саҳифаларида Абдуқодир Ҳусанов ҳақида мухлислар билдираётган фикрларни ўрганиб чиқди ва улардан айримларини ўқувчилар эътиборига ҳавола қилишни давом эттиради.
Farid:
Ҳусановнинг нархи яқинда 100 миллион еврога чиқади
Emmanuel Singogo:
Ҳусанов ва Аллейнга ўзини кўрсатишлари учун имкон беришда давом этиш керак.
Njabulo Mapapo:
Ҳусанов ва Аллейн бор экан, Марк Гехини олиб нима қиламиз?
Hashim Saidi:
Марказий ҳимоячилардан ажойиб ижро.
Robert Kariuki:
Ҳусанов биз ўйлаганимиздан ҳам зўр экан.
Tendai Kadungure:
Ҳамма билганидек, ёш икки марказий ҳимоячи вазифасини зўр уддалаяпти. Айниқса, Ҳусановнинг қандай ўзгариб бораётгани мени ҳайратга соляпти. Биринчи ўйинини яхши эслайман. Бошида уни ёшлигини инобатга олиб, тўпни узатишмас эди. Ҳозирги ўйинига қаранг, бутун ҳимояни назорат қилиб, уни бошқаряпти. Ҳаммаси жуда ажойиб кетяпти.
Euti Young:
“Сити”да иккита янги девор пайдо бўлди.
Taffay Jim:
Биз ҳар икки ҳимоячи учун чиқ дилдан хурсандмиз. Жуда яхши ўйнашяпти.
Gatuɔc Yian Pal:
Генерал Ҳусанов.
Maxwell Witty:
Ҳусанов нега захирада қолдирилишини ҳеч тушунмайман!
Neo Siphesihle:
Ҳусанов ўз жамоаси ҳужумини қуради, рақибникини бузади.
Rachid Benzin:
Ҳимояда янги пайдо бўлган дуэт бизни ҳайратга соляпти.
Jay Romeo Mhango Hala:
Ҳусановнинг ишончли ўйинидан кейин жамоага Диаш керак бўлмай қолди.
Yerf Onkokame:
Ҳусанов ҳимоянинг ўнг қанотида ўйнаса бўларди.
Hr Antonio:
Ҳусанов ва Аллейнинг бу ўйинидан кейин Стоунз ва Аканжи бутунлай кетса ҳам бўлаверади.
Chunchung Wat:
Ҳусанов жуда тезкор, кучли ва жисмоний тўқнашувлардан қўрқмайди. Унга кўпроқ ўйин амалиёти беринглар. Ўтган қишки трансферлар бозорининг энг яхши хариди.
Neon Neon:
Ҳусанов жуда зўр, тез рақибига етиб олади ва ҳар доим тўпни олиб қўяди.
Elias Obonyo:
Рубен Диаш ва Йошко Гвардиол тузалганидан кейин жойини қайтариб олиш учун анча тер тўкишига тўғри келади.
Фикрлар