Ибрагимович 2016 йилда гол уриш бўйича Мессини тақиб қилмоқда

Англиянинг “Манчестер Юнайтед” клуби ҳужумчиси Златан Ибрагимович бир йил мобайнида гол уриш бўйича ўзининг шахсий рекордини такрорлади. Бу ҳақда FOX Sports хабар бермоқда.

35 ёшлик форвард 2016 йилда ПСЖ ва “МЮ” таркибида 50 та гол урди. Бу борада Ибагимович 2012 йил ҳам шундай натижани қайд этганди.

Бу борада “Барселона” ҳужумчиси Лионель Месси биринчи ўринда бормоқда. Аргентиналик юлдуз 51 марта рақиблари дарвозасини ишғол қилган. Иккинчи поғонада 50 гол билан Златан Ибрагимович бормоқда. Кучли учликни эса каталонияликларнинг яна бир ҳужумчиси Луис Суарес якунлаб берган. Унинг ҳисобида 48 та гол мавжуд.

“Реал” етакчиси Криштиану Роналду эса 42 та гол билан тўртинчи ўринни эгаллаган.