Ибрагимович Франция – Парагвай ўйини ҳақида: "Мен аллақачон тўртта қизил карточка олган бўлардим"

Златан Ибрагимович "Жаҳон чемпионати–2026" 1/8 финалида Франция ва Парагвай терма жамоалари ўртасидаги беллашувда француз футболчиларининг ўзини тутишига юқори баҳо берди. Унинг таъкидлашича, ўйин жуда кескин кечганига қарамай, Дидье Дешам шогирдлари босимга дош бериб, руҳан синмади.

"Агар мен шу ўйинда майдонга тушганимда, эҳтимол тўртта ёки бешта қизил карточка олган бўлардим. Франция терма жамоаси футболчилари эса хотиржам қолишди, кулиб туришди, рақибнинг қўзғашларига учмади. Бундай вазиятда энг тўғри жавоб шу", — деб таъкидлади Ибрагимович FOX Sports эфирида.

Эслатиб ўтамиз, учрашув 1:0 ҳисобида Франция терма жамоаси фойдасига якунланди. Ўйиндаги ягона гол пенальтидан урилди, зарбани Килиан Мбаппе аниқ амалга оширди. Чорак финалда французлар ярим финал йўлланмаси учун Марокаш терма жамоасига қарши майдонга тушади.