Ибрагимович қачон сафга қайтишини айтди

"Наполи"га қарши ўйинда жароҳат олган "Милан" ҳужумчиси Златан Ибрагимович қачон сафга қайтишини маълум қилди.

“Жароҳат у қадар жиддий эмас. Тахминан 1-2 ҳафталарда сафга қайтаман. Футбол менинг энг яқин дўстим, менинг иштиёқим. Мен усиз мен бўлолмасдим. Ўйнамасам, ўзимни бегонадек ҳис қиляпман”, - деди 39 ёшли швециялик футболчи.

Ибрагимович жорий мавсум “Милан” сафида 10 та ўйинда майдонга тушди ва 11 та гол ҳамда 2 та голли узатмага муаллифлик қилди.