Ибрагимовичнинг фикрича, "Олтин тўп" Ямалга берилиши керак эди

Швеция футболи афсонаси Златан Ибрагимович бу йилги "Олтин тўп"ни кимга бериш кераклигини айтди.

Ибрагимовичнинг сўзларига кўра, бу мукофотни жамоани якка ўзи ғалабага етаклай оладиган футболчи олиши керак. Унинг фикрича, бу мавсумда шундай ўйинчи "Барселона" вингери Ламин Ямал бўлди.

Златан, шунингдек, барча совринларини уйида сақлашини ва ўзининг ҳеч қачон "Олтин тўп" юта олмагани жуда ғалати туюлишини ҳам таъкидлади.

Эслатиб ўтамиз, бу йилги "Олтин тўп"ни ПСЖ ҳужумчиси Усмон Дембеле қўлга киритди, Ямал эса овоз беришда иккинчи ўринни эгаллади.