Иброҳимович зўрлигини исботлаб қўйди!
“Милан” ҳужумчиси Златан Иброҳимович мухлису мутахассисларни ҳайратга солишда давом этмоқда.
39 ёшли футболчи А Сериянинг навбатдаги учрашувида “Наполи” дарвозасини икки марта аниқ нишонга олиб, миланликларнинг 3:1 ҳисобидаги ғалабасини таъминлади ва жамоасини биринчи ўринга олиб чиқди.
Шу тариқа, швециялик тўпурар ўзи иштирок этган кетма-кет саккизинчи учрашувда ўз ҳисобига гол ёзиб қўйди. Бунгача Италия чемпионатида ўйнаган “Милан” футболчиларининг ҳеч бири саккизта ўйинда узлуксиз гол ура олмаган.
Иброҳимовичнинг ўзи жорий мавсумдаги голлари сонини ўнтага етказиб, тўпурарлар баҳсида яна бир “қария” – Криштиану Роналдудан ўзиб кетди.
Фикрлар