Ignatiy Nesterov yana "Lokomotiv"ga qaytishga yaqin turibdi

Doping sabab futboldan ma’lum muddat chetda qolgan O‘zbekiston milliy termasi posboni Ignatiy Nesterov yana 12 kundan keyin mashg‘ulot boshlashi mumkin.

OFK Nesterovni 2019 yilning 12 oktyabr sanasiga qadar futboldan chetlashtirgandi. O‘zPFL 4 avgustdan 5 avgustga o‘tar kechasi yozgi transfer bozorini yopadi. Mazkur oraliqda Ignatiy Nesterov Coca Cola Superligasi uchun ro‘yxatdan o‘tkaziladi. Bu borada O‘FA OFK bilan bog‘lanib, barcha masala reglamentga asosan hal qilinishi yuzasidan ishladi. Ayni vaqtda Nesterov #lokomotiv qiziqishlari doirasida bo‘lib turibdi.

Qoidaga ko‘ra, futbolchi qaytish sanasidan ikki oy muqaddam jamoaviy mashg‘ulotlarga qo‘shilish huquqiga ega. Agar u 12 oktyabr kuni jamoasining qaydnomasiga kiritilsa, Coca Cola Superligasining 22-turidan boshlab maydonga tushish imkoniyatiga ega bo‘ladi.

Nesterov JCh-2022 saralashining Falastin, Yaman, Singapurga qarshi o‘yinlarida ishtirok eta olmaydi. Murabbiylar shtabi lozim topsa va o‘z formasini tez orada tiklab olsa, balki noyabr oyidagi Saudiya Arabistoni hamda Falastinga qarshi takroriy o‘yinlarda ishtirok etishi mumkin bo‘lar.

Manbaa: Diyor Imomxo‘jaev.