Игнатий Нестеров яна
Ads

Допинг сабаб футболдан маълум муддат четда қолган Ўзбекистон миллий термаси посбони Игнатий Нестеров яна 12 кундан кейин машғулот бошлаши мумкин.

ОФК Нестеровни 2019 йилнинг 12 октябрь санасига қадар футболдан четлаштирганди. ЎзПФЛ 4 августдан 5 августга ўтар кечаси ёзги трансфер бозорини ёпади. Мазкур оралиқда Игнатий Нестеров Coca Cola Суперлигаси учун рўйхатдан ўтказилади. Бу борада ЎФА ОФК билан боғланиб, барча масала регламентга асосан ҳал қилиниши юзасидан ишлади. Айни вақтда Нестеров #локомотив қизиқишлари доирасида бўлиб турибди.

Қоидага кўра, футболчи қайтиш санасидан икки ой муқаддам жамоавий машғулотларга қўшилиш ҳуқуқига эга. Агар у 12 октябрь куни жамоасининг қайдномасига киритилса, Coca Cola Суперлигасининг 22-туридан бошлаб майдонга тушиш имкониятига эга бўлади.

Нестеров ЖЧ-2022 саралашининг Фаластин, Яман, Сингапурга қарши ўйинларида иштирок эта олмайди. Мураббийлар штаби лозим топса ва ўз формасини тез орада тиклаб олса, балки ноябрь ойидаги Саудия Арабистони ҳамда Фаластинга қарши такрорий ўйинларда иштирок этиши мумкин бўлар.

Манбаа: Диёр Имомхўжаев.

Фикрлар

Фикр қолдириш учун авторизациядан ўтинг!
Asil Dushanov
01/08/2019 15:01
Nesterov lokomotivga qayting o‘zingizni uyingizdek bo‘lib qolgan jamoa
Ravshan Tursunov
01/08/2019 10:51
Нестеровда озгина булсада самоуважение булса Яна шу Балоянни командасида уйнамайди!!