Илдар Маматказин эркин агентга айланди

«Андижон» бир қатор йўқотишларга учрамоқда. Айниқса, жамоа етакчилари бошқа клубларга ўтиб кетмоқдалар. Жумладан ўтган мавсумда 19 та учрашувда майдонга тушиб, рақиблар дарвозасига учта гол урган ҳимоячи, жамоа сардори Илдар Маматказиннинг «Андижон» билан тузган шартномаси тугаган ва у эндиликда эркин агентга айланди. Шу сабабли фаолиятини бошқа жамоада давом эттириш ниятида. Бу борада эса у клублардан бўладиган таклифларни кўриб чиқаётган бўлса ҳам ажаб эмас. Тез орада унинг қайси жамоа сафида тўп суриши ойдинлашади.