Индзаги: "Ҳаммасини нолдан бошлаймиз"

"Интер" бош мураббийи Симоне Индзаги ўз шогирдларининг Италия чемпионатининг жорий мавсумидаги иштироки ҳақида гапирди.

"Биз ҳали Скудетто учун курашга қайтамиз. Мен бунга 100 фоиз аминман. Жаҳон чемпионати учун юзага келган танаффусдан кейин ҳаммасини нолдан бошлаймиз.

Тан олишимиз керак, мавсумнинг биринчи қисмида "Интер" етарли даражада ўйнай олмади, аммо биз камчиликларимизни тўғирламоқчимиз", - деди мутахассис.

Италия чемпионатининг 15-туридан сўнг "нерадзуррилар" 30 очко жамғариб, турнир жадвалида бешинчи ўринда бормоқда. Индзаги шогирдлари пешқадам "Наполи"дан 11 очкога ортда.