Индзаги "Интер"даги келажаги ҳақида гапирди

"Интер" бош мураббийи Симоне Индзаги ўзининг клубдаги келажаги ҳақида ўз фикрлари билан ўртоқлашди.

“Нерадзуррилар” Чемпионлар лигаси финалига чиққанидан сўнг клуб президенти Стивен Чжан Индзаги ёзда ҳеч қаёққа кетмаслигини айтган эди.

“Интер” менга ишонаётганидан жуда хурсандман, аммо бу мавсум ҳали якунига етмади - олдинда иккита финал бор. Улардан бири тез орада бўлиб ўтади. Бу бизнинг икки йил ичида бешинчи финалимиз бўлади, бу албатта жамоанинг ўсишига ёрдам беради. Мен ҳали клуб билан келажагимни муҳокама қилганим йўқ”, - деди Индзаги кеча “Наполи”дан (1:3) учралган мағлубиятдан сўнг.

24 май куни "Интер" "Фиорентина" билан Италия кубоги финалида ўйнайди. 10 июнь куни эса "Манчестер Сити"га қарши Чемпионлар лигаси финали бўлиб ўтади.