Индзаги "Реал"га қарши беллашув олдидан ўз фикрларини билдириб ўтди

Симоне Индзаги Клублар ўртасидаги жаҳон чемпионатининг дастлабки турида "Реал Мадрид"га қарши ўйин олдидан кутилмаларини баҳам кўрди. 

- Биз, эҳтимол, дунёнинг энг кучли клуби билан ўйнаймиз, аммо ўз ўйинимиздан воз кечмоқчи эмасмиз. Имкониятларимизни тўғри баҳолаб, турнирга ишонч билан ёндашмоқдамиз. Клублар ўртасидаги ЖЧни ёрқин ўтказишни хоҳлаймиз. Клуб таркибни кучайтириш учун кўп куч сарфламоқда. Фақатгина вақт етишмади, холос. Трансфер ойнаси қисқа бўлди, аммо мавжуд имкониятлардан максимал даражада фойдаланишга ҳаракат қиламиз,- деди "Ал-Ҳилол"нинг янги бош мураббийи.

Маълумот учун, "Реал Мадрид" ва "Ал-Ҳилол" жамоалари ўртасидаги беллашув 19 июнга ўтар кечаси соат 00:00да старт олади.