Сўнгги бир неча ой давомида “Интер” ва “Барселона” аргентиналик ҳужумчи Лаутаро Мартинес трансфери бўйича фаол музокара олиб борди. Муҳокамалар жараёнида турли вариантлар кўриб чиқилди.

Кутилмаганда “Интер” спорт  директори Жузеппе Маротта Лаутаро Мартинес сотилмаслигини эълон қилди.

- Лаутаро кўп грандлар эътиборини қозонгани ҳаммага маълум. Кўпчилик уни қўлга киритишни истайди. Лекин биз энг зўр футболчиларимизнинг ўзлари истамагунча уларни сотмаймиз.  Лаутаро ҳам ўзига бўлаётган қизиқишлардан хабардор, лекин у бизга жамоадан кетмоқчилигини айтмаган, - деди Маротта.

Лаутаро Мартинес шартномасида унинг бадал пули 111 миллион евро қилиб белгиланган. Лекин бу сумма 7 июлгача амал қилади. Кейин унинг трансфер суммаси яна кўтарилади.