«Интер» Чалоба ўрнига бошқа ҳимоячини сотиб олиши мумкин

«Галатасарай» марказий ҳимоячиси Давинсон Санчес яқин вақтларда «Интер» сафини тўлдириши мумкин. Бу ҳақда футбол бўйича инсайдер Экрем Конур хабар бермоқда.

Манба маълумотига кўра, «Интер» Санчес номзодини «Челси» ҳимоячиси Трево Чалоба ўрнига кўриб чиқмоқда. Хабарда таъкидланишича, колумиялик футболчининг «нерадзуррилар» сафига ўтиши Чалоба бўйича келишувга қараганда анча реал вариант сифатида баҳоланмоқда. Шу билан бирга, миланликлар ҳимоя чизиғини кучайтириш учун бошқа номзодларни ҳам ўрганаётгани қайд этилган.

2025/26 йилги мавсумда Санчес барча мусобақалар доирасида 45 та ўйинда майдонга тушиб, икки марта голли пас берди.

30 ёшли футболчининг «Галатасарай» билан амалдаги шартномаси 2029 йил июнигача мўлжалланган. Transfermarkt портали баҳосига кўра, колумиялик ҳимоячининг бозор қиймати 16 миллион еврони ташкил этади.