“Интер” футболчиси АПЛ грандига ўтишни истамоқда

Миланнинг "Интер" клуби голландиялик ҳимоячиси Дензель Дюмфрис Англия Премьер лигасига ўтишни истамоқда. Бу ҳақда “La Repubblica” нашри хабар бермоқда.

Манбага кўра, футболчи "Челси"га шарафини ҳимоя қилишга тайёр. Боиси, фулбэкнинг хизматларига “аристократлар” қизиқиш билдирмоқда ва Лондон клуби яқин кунларда “нерадзуррилар” билан музокара олиб боришади.

26 ёшли футболчи 25 миллион еврога баҳоланган. Унинг Италия клуби билан шартномаси 2025 йилнинг ёзига қадар амал қилади.

Ҳимоячи ўтган мавсум А Серия доирасидаги 33 та ўйинда майдонга тушиб, ўз ҳисобига 5 та гол ва 4 та голли узатма муаллифига айланган.