“Интер” футболчисини Англиянинг икки грандига бермади

Италия А Сериясида етакчилик қилаётган Миланнинг “Интер” клуби ҳужумчиси Франческо Пио Эспозито Англия Премьер-лигасининг икки вакилида жиддий  қизиқиш  уйғотди.

20 ёшли футболчини “Арсенал” ва “Манчестер Юнайтед” ўз сафига қўшиб олиш мақсадида “Интер”га мурожаат қилди.

Таниқли инсайдер Николо Скиранинг таъкидлашича, миланликлар Англия грандларининг чорловига рад жавобини берган.

Бош мураббий Кристиан Киву ва спорт директори Пьеро Аузилио Эспозитода улкан салоҳият бор, деб ҳисоблайди ва футболчи трансфери бўйича таклифларни кўриб чиқмоқчи эмас.

Transfermarkt портали экспертлари баҳосига кўра, истиқболли италиялик ҳужумчининг бозор қиймати 35 миллион еврога тенг. Жорий мавсумда Эспозито “Интер” сафида барча турнирларда 35 ўйинда 7 гол ва 6 ассист қайд этган.