Ads

Миланнинг "Интер" клуби ҳамон Эдин Жеконинг трансфери масаласида "Рома" билан келишувга эриша олмаяпти.

GianlucaDiMarzio.com тарқатган хабарга кўра “нерадзуррилар” 33 ёшли босниялик ҳужумчи учун 15 млн евро таклиф қилишмоқда, бироқ, римликлар уни 20 млн евродан камига қўйиб юборишмоқчи эмас.

Бундан ташқари, “Рома”нинг янги бош мураббийи Паулу Фонсека ҳам Жеконинг сотиб юборилишига қарши чиқмоқда.

Маълумот учун, Жеко ўтган мавсум “Рома” сафида жами 40та ўйинда майдонга тушди ва ўз ҳисобига 14та гол ҳамда 11та голли узатма ёздириб қўйишга эришди.