"Интер" Луис Энрике билан тўлиқ келишувга эришди

Бразилиялик ярим ҳимоячи Луис Энрике "Марсель"дан Миланнинг "Интер" клубига ўтди. Бу ҳақда клубнинг матбуот хизмати хабар бермоқда. 
 
Матбуотда 23 ёшли футболчи "нерразуррилар" билан 5 йилга мўлжалланган узоқ муддатли шартномани имзолаши ҳақида хабарлар тарқалган эди. Трансфер қиймати 25 миллион евро атрофида бўлади. Энрике 2020 йилдан буён Франция клубида ўйнаб келмоқда. Ўтган мавсумда Луис "Марсел"нинг 35 та жангида қатнашиб, 9 та гол ва 10 та голли узатмани ўз ҳисобига ёздириб қўйди. 
 
Маълумот ўрнида, ўтган мавсум "Интер" А Серияда иккинчи ўринни эгаллади ва Чемпионлар лигаси финалига чиқди. Сўнгги беллашув эса ПСЖга йирик ҳисобда ютқазди (0:5).