"Интер" раҳбарияти жамоада аргентиналик ҳужумчилар дуэдини яратмоқчи

Tuttosport нашри хабарига кўра, Миланнинг "Интер" клуби ёзда "Ювентус" ҳужумчиси Пауло Дибалани қўлга киритиши мумкин.

Манбага кўра, "нерадзуррилар" бош директори Беппе Маротта жамоада аргентиналиклар ҳужум дуэтини яратмоқчи. Аниқроғи, Дибала ҳамюрти Лаутаро Мартинесга шерик бўлиши мумкин.

Қайд этилишича, Маротта Дибаланинг агенти билан мунтазам мулоқот қилиб туради. Шу боис, томонлар бу борадаги музокаралар учун мутлақо очиқ.

Дибала жорий мавсум “Ювентус” сафида жами 30 та ўйинда майдонга тушиб, 13 та гол урди.