"Inter" xavbeki "Napoli"ga qarshi o‘yinni o‘tkazib yuboradi

"Inter" yarim himoyachisi Viktor Mozes sog‘lig‘idagi muammo sabab "neradzurrilar"ga yordam bera olmaydi.

Klub rasmiy sayti ma’lumotiga ko‘ra, nigeriyalik vinger mushaklaridan olgan jarohat sabab yaqin vaqtlar ichida tibbiy ko‘rikdan o‘tadi.

Futbolchining qachon maydonga qaytishi noma’lum, biroq u "Napoli"ga qarshi o‘yinda jamoasiga yordam bera olmasligi aniq.

Joriy mavsumda Mozes ko‘k-qoralar safida 7 ta o‘yinda maydonga tushdi va bitta asistni o‘z hisobiga yozib qo‘ydi.