"Интер" ёзда Видални сотиб олмоқчи

Миланнинг "Интер" клуби "Барселона" хавбеки Артуро Видалнинг хизматларига жиддий қизиқиш билдира бошлади.

Tuttosport нашри тарқатган хабарга кўра “нерадзуррилар” спорт директори Пьеро Аусилио ЕЧЛ 1/8 финалидан ўрин олган “Барселона” – “Лион” (5:1) бахсидан сўнг каталонияликлар вакиллари билан учрашиб, бу масалада гаплашган. Миланликлар майда 32 ёшга тўладиган чилилик футболчи учун “Барселона”га 25 млн евро таклиф қилишган.

Маълумот учун, Видаль жорий мавсум 39та ўйинда майдонга тушди ва 2та гол ҳамда 4та голли узатма ёздириб қўйишга эришди.