"Интер"нинг етакчи футболчисида коронавирус аниқланди

"Интер"да коронавирус билан боғлиқ яна бир ҳолат қайд этилди. Бу ҳақда Football Italia нашри хабар тарқатмоқда.

Юқоридаги манбага кўра, бу сафар “нерадзуррилар”нинг словакиялик ҳимоячиси Милан Шкриньярда Covid-19 аниқланган. Дастлаб, “Интер” сафида Алессандро Бастонида ушбу касаллик аниқланган эди.

Ҳозирча клуб бу ҳақда расмий баёнот бермади. Шкриньяр Словакия терма жамоаси йиғинига жўнаб кетган эди.