Инзаги Италияга чорлаётган Жасур Жалолиддинов "Беневенто" клубига кўрикка борди. Натижа қандай?

Хабарингиз бор, кеча ЎФА ва ПФЛ “Йилнинг энг яхшилари”ни тақдирлаш маросимини ўтказди. Унда “Бунёдкор” клуби ярим ҳимоячиси Жасур Жалолиддинов “Йилнинг энг яхши ёш футболчиси” деб топилди.

Маросимдан сўнг Жасур Жалолиддинов SPORTS.uz сайтига маросим, Италияга кўчиб ўтиши ва бошқалар борасида ўз фикрларини билдирди.

- Ушбу тақдирлаш маросими ажойиб ўтди. Ижобий таассуротлар буни сўз билан ифодалаш қийин. Лекин маросим бошловчиси Мирзаҳаким ака Тўхтамирзаев тўғри айтдилар, ўтган мавсум йилнинг энг яхши ёш футболчиси номинациясига номзод бўлганимда кейинги гал шу совринни қўлга киритишим кераклигини мақсад қилгандим ва буни уддаладим, жуда хурсандман. Мукофотни олишимда жамоадаги барчасининг ҳиссаси бор. Балки бошқа клубда ўйнаганимда, ушбу мукофотни қўлга кирити олмаслигим ҳам мумкин эди. Бу мавсум учун барчага раҳмат айтмоқчиман.

Очиғини айтадиган бўлсам, Италиянинг “Беневенто” клубига ўтишим жараёни яхши кетмоқда. Машғулотларда қатнашиб келдим. Энди ФИФА регламентига қарайдиган бўлсак, 18 ёшга тўлмаганим боис кейинги йили биринчи даврани “Бунёдкор”да ўтказаман. Айни пайтда италияликларнинг якуний қарорини кутяпмиз.

Одил Аҳмедов: Мухлисларни хурсанд қилиш ниятим бор

Трансфер нархи? Тўғриси, бу борасида маълумотга эга эмасман. Бу масала бўйича клублар ўзлари келишиб олишади. Менинг вазифам майдонга чиқиб, тўп тепиш. Менга маълум бўлишича, “Беневенто” жамоасидан таклиф “Бунёдкор” клубига келиб тушган. Бу борада қанақадир агент борлигини билмайман, - деди Жасур Жалолиддинов.

Эслатиб ўтамиз, олдинроқ ҳамюртимизга "Бенефенто" клуби бош мураббийи Филиппо Инзагининг шахсан ўзи қизиқиш билдираётганини хабар бергандик.