Ишончли ҳисобда ғалаба қозонган "Атлетико" пешқадамга айланди

Ла Лига 12-тур ўйинлари ўзининг қизғин палласига кириб бормоқда. Бугун турнир жадвалига ўзгариш киришига сабаб бўлган яна бир ўйин бўлиб ўтди. Унда майдонга чиққан "Атлетико" ва "Реал Вальядолид" жамоалари 2:0 ҳисобини қайт этди.

Биринчи гол 56-дақиқада Тома Лемар томонидан киритилди. Қанотдан узатилган тўпни франциялик футболчи дарвозага киритди. Иккинчи таймда захирадан майдонга тушган Маркос Льоренте ҳисобни ишончли кўринишга келтирди. Ҳимоячидан тезликда қочиб, дарвозабон билан бирга-бир вазиятга чиқиб борган Маркос Масипга имконият қолдирмади.

Ушбу ғалаба "матрасчилар"га турнир жадвали пешқадамлигини қайтарди. 26 очко тўплаган "Атлетико" иккинчи ўриндаги "Реал Сосьедад"дан 2 очкога ошиб кетган. Меҳмонда мағлуб бўлган "Реал Вальядолид"нинг очколари сони 10 талигича қолди. Улар 19-поғонани банд этган.

• 90+3'
  

  Учрашув якунланди! Матнли трансляция Жавоҳир Азимов томонидан олиб борилди!

• 90+2'

  Сўнгги дақиқаларни мадридликлар тўп назорати билан ўтказмоқда.

• 90'
  

  Ўйиннинг асосий вақтига 3 дақиқа қўишб берилди.

• 88'

  Рубен Алькарас жарима майдонига пас оширди. Тўпни ҳимоячилар қайтарди.

• 85'
  

  Рақибининг тезкор қарши ҳужумини қоида бузиш эвазига тўхтатган Эктор Эррера огоҳлантирилди.

• 83'

  Ўйин темпи бироз пасайди. Курашлар майдон марказида кечмоқда.

• 81'
  

  Льорентега нисбатан қоида бузган Роке Меса огоҳлантирилди.

• 80'

  Маркос Льорентенинг ўткир бурчакдан йўллаган зарбасига аниқлик етишмади.

• 77'
  

  Тома Лемар майдонни тарк этди. Унинг ўрнига Лукас Торрейра ўйинни давом эттиради.

• 74'

  Гол урган мадридликлар ҳужум уюштиришда тўхтамаяпти.

• 72'
  

  ГООООООООООЛЛЛЛЛЛЛЛ! "Атлетико" ҳисобни ишончли кўринишга келтирди!

  Триппьернинг узатмасидан кейин ҳимоячини тезликда ортда қолдириб, бирга-бир вазиятга чиқиб борган Льоренте дарвозабонни ожиз қолдирди.

• 71'
  

  Бурчакдан етказиб берилган тўпга Кондогбья ноаниқ зарба йўллади.

• 69'

  БИрга-бир вазиятга чиқиб бориш учун Фелишга бироз тезлик етишмади.

• 66'
  

  Майдон эгалари навбатдаги бурчак тўпини голга айлантира олишмади.

• 64'
  

  Луис Суарес майдонни тарк этди. Унинг ўрнига Жоффре Кондогбья ўйинни давом эттиради.

• 62'
  

  Кике Перес ва Жуан Фелиае майдонни тарк этди. Улар ўрнига Шон Вейсман ҳамда Тони Вилья ўйинга қўшилди.

• 59'

  Симеоне шогирдлари фаолликни тўхтатмаяпти.

• 57'
  

  Сауль ва Корреа захирага олинди. Улар ўрнига Коке ҳамда Фелиш ўйинга қўшилди.

• 56'
  

  ГОООООООООООЛЛЛЛЛЛЛЛЛ! "Атлетико" ҳисобни очди!

  Тома Лемар қанотдан етказиб берилган тўпни дарвозага киритди.

• 54'

  Корреа жарима майдони ичида йиқилиб тушди. Бироқ йиқилиш жараёнида зарба берган Анхелнинг зарбасига аниқлик етишмади.

• 53'

  "Матрасчилар" рақиб жарима майдони олдида тўпни назорат қилмоқда.

• 51'
  

  Анхель Корреага нисбатан ишлатилаг қўполлик учун Хави Санчес огоҳлантирилди.

• 50'
  

  Бурчакдан тўп жарима майдонига узатилди. Ҳимоячилардан қайтган тўпни Оскар Плано дарвозага йўллади. Зарбага аниқлик етишмади.

• 49'
  

  Луис Суарес рақибига нисбатан қоида бузгани учун огоҳлантирилди.

• 47'

  Стандартдан жарима майдонига оширилган тўпга Савич ноаниқ зарба берди.

• 46'
  

  Иккинчи тайм бошланди!

• 46'
  

  Бўлимлар оралиғида "Атлетико"да ўзгариш: Витоло ўрнига Льоренте майдонга тушди.

• 46'

  Футболчилар майдонга қайтмоқда. Биз ҳам қайтамиз!

• 45+3'
  

  Танаффус!

• 45+2'

  Бўлим сўнгида тўп назорати меҳмонларда.

• 45'
  

  Биринчи бўлимга 3 дақиқа қўшиб берилди.

• 43'

  Меҳмонлар жамоавий ўйинда яхши ҳаракат қилмоқда. Қисқа паслар орқали хавфли ҳужумлар уюштириляпти.

• 40'
  

  Витоло огоҳлантирилди.

• 39'

  Кикенинг зарбаси дарвоза юқорисидан ўтиб кетди.

• 37'

  Андренинг жарима майдони ташқарисидан берган зарбасига аниқлик етишмади.

• 36'

  Суареснинг зарбасидан кейин тўпни ҳимоячи қайтарди.

• 33'

  Мадридликлар рақиб жарима майдони атрофида узатмалар амалга ошириб, рақиб ҳимоясидаги бўш ҳудудларни изламоқда.

• 31'
  

  "Атлетико"нинг бурчак тўпи муваффақиятсизлик билан якунланди.

• 28'
  

  Яқин масофадан берилган зарбани Облак ушлаб олди.

• 26'

  Тўп назорати Симеоне шогирдларида.

• 24'
  

  Рақибига нисбатан жиддий қўполлик ишлатган Савич огоҳлантирилди.

• 24'

  Витоло марказга хавфли узатма амалга оширди. Тўпга Суарес бироз ета олмади.

• 22'

  Иккинчи қаватдаги тўп учун курашда Суаресга нисбатан қоида бузилди.

• 20'

  Мадридликларнинг ҳужуми зарбагача етиб бормади.

• 17'

  Ўйин ўртача темпда давом этмоқда. Жамоалар ҳужум уюштиришда жуда хатоларга йўқ қўймоқда.

• 14'

  Стандартдан Лемар жарима майдонига узатма амалга оширди. Дарвозабон тўпни ушлаб олди.

• 12'

  "Вальядолид" футболчисининг узоқ масофадан йўллаган зарбасига бироз аниқлик етишмади.

• 10'

  Ҳаммаси тўғирланди. Ўйинни давом эттириш мумкин.

• 9'

  Ҳакамнинг техник воситалари ишламай қолди. Унга техник ёрдам берилмоқда. Ўйин тўхтаотиб қўйилган.

• 6'

  Оскар Планога нисбатан ишлатилган қўполлик стандартга сабаб бўлди. Меҳмонлар футболчисининг жарима майдонига оширган тўпини ҳимоячилар узоқлаштирди.

• 4'
  

  Корреанинг зарбасини дарвозабон ушлаб олшида хатога йўқ қўйди. Қайтган тўни эгаллаб олган Суарес дарвозабонни алдаб ўтган бўлса-да, зарба бера олмади.

• 3'

  "Атлетико" ўйинни фаол ҳужум билан бошлади.

• 1'
  

  Учрашув бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.