Ишончли ҳисобда ғалаба қозонган "Насаф" пешқадамга айланди, Норчаевдан ажойиб рейд ва мукаммал якун (видео)

Ўзбекистон Суперлигаси 18-туридан ўрин олган "Сурхон" - "Насаф" учрашуви ниҳоясига етди. Унда қаршиликлар жиддий қаршиликка дуч келмади, 2:0.

Дастлаб, 42-дақиқада Умар Эшмуродов аниқ зарбаси билан ҳисобни очди. Ҳусаин Норчаев иккинчи таймда ўнг қанотдан уюштирган рейди орқали жамоасининг иккинчи голига муаллифлик қилди.

Шу тариқа, "аждарлар" очколари сонини 35 тага етказиб олган ҳолда, биринчи ўринга кўтарилиб олди. 13-поғонадаги "Сурхон" 13 очко жамғарган.