Искога Бундеслигадан харидор бор

"Севилья"нинг собиқ ярим ҳимоячиси Иско Аларконга Германиянинг "Лейпциг" клуби қизиқиш билдирмоқда. Журналист Флориан Плеттенбергнинг ёзишича, немис клуби 30 ёшли ярим ҳимоячини жамоага қўшилиши мумкин бўлган футболчи сифатида кўрмоқда.

Олдинроқ, испанияликнинг хизматларига Бундеслиганинг бошқа бир клуби "Унион" қизиқаётгани ҳақида хабар берилганди.

Маълумот учун, Иско ҳозирда эркин агент ҳисобланади. У ўтган йилнинг охирида "Севилья"ни тарк этганди.

"Transfermarkt" портали испаниялик футболчини 9 миллион еврога баҳоламоқда. Жорий мавсумда ярим ҳимоячи барча турнирларда 19 та ўйинда қатнашиб, битта гол урди ва 3 та голли узатмани амалга оширди.