Ислом Иномов "Бухоро" мураббийига айланди

Ўз вақтида Ўзбекистон миллий терма жамоасида тўп сурган собиқ футболчи Ислом Иномов ўзини мураббийликда синаб кўради.

Боиси, у “Бухоро” жамоаси мураббийлар штабида катта мураббий лавозимида иш бошлади. Бу борада клуб матбуот хизмати хабар тарқатди. Иномов эндиликда бош мураббий Ҳаким Фузайловга яқиндан ёрдам беради.

Маълумот ўрнида, 2001-2003 йилларда Иномов “Бухоро” жамоасида тўп сурган. Ҳозирги кунда “А” лицензиясига эга мураббий ҳисобланади. Ислом охирги икки йил Тошкент вилояти футбол ассоциациясида фаолият олиб борган.