Испания кубоги. "Атлетико Мадрид" ўз майдонида "Барселона"ни аяб ўтирмади
Қизиқарли кечган баҳс ўз ниҳоясига етди
Испания кубогининг ярим финал босқичидан ўрин олган илк беллашувда "Атлетико Мадрид" ўз майдонида "Барселона"ни қабул қилиб, 4:0 ҳисобида мағлубиятга учратди. Бу учрашувга жароҳатлар билан етиб келган каталонияликлар жавоб баҳсидан олдин қийин вазиятга тушиб қолди.
Дастлаб, тўқнашувнинг 7-дақиқасида Жоан Гарсия автогол муаллифи бўлди. Орадан 7 дақиқа ўтиб эса Антуан Гризманн собиқ жамоасига қарши баҳсда гол киритиб, ҳисобни 2:0 кўринишига келтирди. "Матрасчилар" "кўк-анорранглилар" ҳимоясидаги хатолардан бирин-кетин фойдаланиб, голлар уришда давом этди. 33-дақиқада Лукман, 45+3-дақиқада эса Хулиан Альварес навбатдаги голларга муаллифлик қилди. Бу орқали биринчи бўлим 4:0 ҳисобида якунланди, иккинчи таймда эса мухлислар гол кўришмади.
Маълумот ўрнида, икки жамоа иштирокидаги жавоб ўйини эса 3 мартдан 4 мартга ўтар кечаси соат 01:00’да бўлиб ўтади.
Кубок Короля
Изоҳлар (0)