Испания Ла Лигаси. "Реал" - "Барселона": Матнли трансляция

Бироздан сўнг Ла Лига 9-туридан ўрин олган "Реал" - "Барселона" ўйини старт олади. Мазкур учрашувдан матнли трансляцияни сайтимиз орқали кузатиб боринг.

• 90+4'
  

  Баҳс якунига етди. "Реал" ўз майдонида "Барселона"ни мағлуб этди - 3:1.

• 90+2'
  

  ГОООООООЛ! Родриго 11 метрлик жаримадан унумли фойдаланди - 3:1.

• 90'
  

  ВАР "Реал" фойдасига пенальти белгилади.

• 87'

  Уххх. Фати ҳисобни тенглаштириши мумкин эди. 

• 83'
  

  ГООООООООООЛ! Ферран Торрес Ансу Фатининг қанотдан берган пасидан сўнг мезбонлар дарвозасини ишғол қилди.

• 81'
  

  Бош ҳакам Гавига сариқ карточка кўрсатди.

• 78'

  Фати узоқдан кучли зарба берди. Аммо тўп бироз ноаниқ кетди.

• 75'
  

  Лука Модричга сариқ карточка кўрсатилди.

• 73'
  

  "Кўк-анорранглилар" таркибида яна ўзгариш. Дембеле ўз ўрнини Фатига бўшатиб берди.

• 70'

  Левандовскининг яна бир бош билан берган зарбаси Лунин учун муаммо туғдирмади.

• 68'

  Винисиус ажойиб алдамчи ҳаракатлари билан Тер-Штеген дарвозаси томон зарба берди. Аммо тўп ҳимоячиларга тегиб, ўйинга қайтди.

• 65'

  Левандовски ҳужумда Милитаога қўполлик ишлатди.

• 63'

  Майдон эгалари позицион ҳимояланишда деярли хатога йўл қўймаяпти.

• 60'
  

  "Барселона"да ўзгариш. Бускетс, Бальде ва Рафинья ўрнига Гави, Альба ҳамда Ферран майдонга туширилди. 

• 58'

  "Қироллик клуби" тўп назоратига эгалик қилмоқда ва рақибнинг нозик томонларини қидириш билан банд.

• 55'

  Винисиус тўпни ўзидан узоқлаштириб юборди ва қулай имкониятни кўкка совурди.

• 53'
  

  Йўқ! Бу гол ҳакам томонидан инобатга олинмади. Мазкур вазиятда ўйиндан ташқари ҳолат бор, деб топилди.

• 52'
  

  ГОООООООООООЛ! Бензема ҳисобдаги фарқни 3 тага етказиб қўйди.

• 50'

  Бензема қанотдан Кроссга узатма берди. Аммо Тонининг зарбаси ноаниқ кўриниш олди.

• 48'

  Жамоалар эҳтиёткор тарзда ҳаракат қилмоқда.

• 46'
  

  Иккинчи тайм бошланди.

• 46'

  Футболчилар майдонга қайтмоқда. Навбат бизники!

• 45+1'
  

  Биринчи тайм якунига етди. Ҳозирча ҳисоб - 2:0. Мезбонлар ҳисобда олдинда бормоқда. 

• 45'
  

  Биринчи бўлимга ҳакам томонидан 1 дақиқа вақт қўшиб берилди.

• 43'

  Левандовскидан хавфли зарба. Унинг бош билан берган зарбасига аниқлик етишмади.

• 42'

  Модрич Бускетсга нисбатан фол ишлатди. Қулай нуқта бўлиши мумкин меҳмонлар учун.

• 38'

  "Реал" футболчиларининг голдан кейин ўзига бўлган ишончи ортди. Улар майдонда хотиржам ҳаракат қилмоқда.

• 35'
  

  ГОООООООООЛ! Феде Вальвердедан "пушка"! У узоқ масофадан Тер-Штеген дарвозасини ишғол қилди - 2:0.

• 33'

  Каталонияликлар яна паслар билан тўп назоратига эгалик қилмоқда.

• 30'
  

  Винисиусга сариқ карточка кўрсатилди.

• 29'

  Лунин сал қолса, қўпол хатога йўл қўярди. Аммо у сўнгги паллада босимдан чиқиб кетишга муваффақ бўлди.

• 27'

  Роберто қанотдан ҳаволатиб узатма берди. Унга Дембеле бош билан зарба йўллади. Аммо ноаниқ.

• 25'

  Ухххх! Левандовски бўш қолган дарвозани ишғол қила олмади. У ноаниқ зарба йўллади.

• 23'

  Майдон марказида Бускетсга нисбатан ўйин қоидаси бузилди.

• 21'

  "Барса" майдон эгалари ҳимоясини майда паслар орқали ёриб ўтишга ҳаракат қилмоқда. 

• 18'

  Милитао ҳужумда рақибга нисбатан ўйин қоидасини бузди.

• 16'

  "Реал" голдан сўнг тўп назоратига эгалик қилишга эътибор қаратмоқда.

• 12'
  

  ГОООООООООООЛ! Винисиус катта тезликда Тер-Штеген билан бирга-бир вазиятга чиқиб борди. Унинг берган зарбасидан сўнг тўп дарвозабонга тегиб, Бенземага келиб тушди ва Карим учрашувда ҳисобни очди.

• 12'

  Педри мезбонлар мудофаасини ёриб кирди ва пас берди. Лекин жарима майдончасида зарба берадиган унинг шериклари топилмади.

• 9'

  Тўп учун жиддий кураш кечмоқда.

• 6'

  Дембеледан пас, Левандовскидан зарба. Аммо тўп йўл-йўлакай каталонияликлар футболчисига тегди ва офсайд қайд этилди.

• 5'

  Рафинья узоқдан кучли зарба йўллади. Бироқ Лунин ўз ўрнида.

• 3'

  Майдон эгалари тўп назоратига эгалик қилмоқда.

• 1'

  Эрик Гарсия катта тезлик билан рақиб ярим ҳимоя чизиғини доғда қолдирди. Аммо кейин унинг пасига аниқлик етишмади.

• 1'
  

  Учрашувга старт берилди.

• *'

  Жамоалар майдонга чиқиб келди.