Испания терма жамоалар рекордини ўрнатди

Евро-2020 саралаш босқичида Испания терма жамоаси меҳмонда Швецияга қарши бҳсда 1:1 ҳисобида дуранг қайд этди. Европа чемпионати йўлланмасини қўлга киритди.

Роберт Морено шогирдлари F гуруҳида 20 очко тўплашни уддасидан чиқиб, Европа чемпионати йўлланмасини қўлга киритди.

Шу билан, испанияликлар кетма-кет 7-маротаба Европа чемпионатида қатнашиш ҳуқуқига эга бўлишмоқда.

Бу терма жамоалар орасида рекорд ҳисобланади. Испанлар 1996 йилги Европа чемпионатидан буён мунтазам мусобақада иштирок этиб келишмоқда.