Испанияда маоши энг катта ўйинчи ким ва қанча оляпти?

L'Equipe журнали Испания чемпионатида энг катта маош олаётган футолчилар рейтингини тузиб чиқди. 

Унга кўра, Франция терма жамоаси ҳужумчиси Килиан Мбаппе Ла Лига хизмат ҳақи энг юқори баҳоланаётган ўйинчи бўлиб чиқди.

“Реал” мутасаддилари Мбаппега ҳар ой 2,67 миллион евро миқдорида маош тўлаб бормоқда. Ҳужумчи Мадрид клуби сафига ўтган йили ёзда эркин агент сифатида қўшилган эди. Аввалги жамоаси ПСЖ Килианга бундан катта маош таклиф қилган бўлса-да, ҳужумчи ўз орзусидаги жамоага ўтишни маъқул кўрган.

Мбаппе келгунига қадар “Реал”да энг кўп маош Винисиус Жуниорга берилар эди. Айни пайтда бразилиялик юлдуз 2,5 миллион евро миқдоридаги ойлик билан иккинчи ўринда турибди.

Табиийки, Мбаппе ҳам олаётган пулларини оқлаяпти. “Реал”га келганидан бери барча турнирларда 43 та учрашув ўтказган юлдуз 30 та гол ва тўртта ассист муаллифи бўлди.