Исроиллик футболчи 99 йилга футболдан ҳайдалди

Исроил футболида ғалати воқеа юз берди. Мамлакат чемпионатнинг учинчи дивизионида иштирок этаётган  “Йермиягу Холон” ёшлар жамоаси футболчиси рақибини дўппослагани учун 99 йилга дисквалификация қилинди. Бу ҳақида One нашри хабар тарқатди.

Номи сир тутилаётган 17 ёшли футболчи ёшлар лигасидаги ўйиндан кейин, кийим алмаштириш хонаси яқинида рақиб ўйинчисига ташланган ва уни аёвсиз калтаклаган. Бу ҳолат кузатув камераларига тушиб қолган.

Тартиб-интизом қўйитаси қарорига кўра, клуб 700 евро жарима тўлайди, жамоадан уч очко олиб қўйилади ва бир йил давомида кузатув остида бўлади.

“Йермиягу Холон” клуби ташкилот қарорини қўллаб-қувватлади, зўравон футболчини жамоа таркибидан чиқарди. Шунга қарамай, клуб жанжалнинг келиб чиқишига жабрланувчининг ўзи сабабчи эканини ҳам келтириб ўтди.

Энди муштумзўр футболчининг дисквалификацияси 2124 йил якунланади.