Италия терма жамоаси жиддий йўқотишга учради

"Ювентус" клуби ва Италия терма жамоаси марказий ҳимоячиси Жоржио Кьеллини Европа чемпионатининг1/8 финал босқичидан ўрин олган Австрияга қарши ўйинда иштирок этолмайди.

Sky Sport Italia тарқатган хабарга қараганда, "Скуадра Адзурра" сардори ушбу учрашувга қадар тикланиб улгурмайди.

Энди Кьеллинининг ўрнини “Лацио” ҳимоячиси Франческо Ачерби эгаллайди. 

Италия – Австрия учрашуви 26 июнь куни Лондондаги машҳур "Уэмбли" стадионида бўлиб ўтади. Ўйин Тошкент вақти билан соат 00:00 да бошланади.