Мбаппе Месси ва Роналду ҳақидаги баҳсга муносабат билдирди

Франция терма жамоаси ҳужумчиси Килиан Мбаппе Лионель Месси ва Криштиану Роналду ўртасидаги таққослашларга муносабат билдирди.

Мбаппенинг таъкидлашича, у ҳар икки юлдуз билан ҳам майдонда ҳаракат қилган ва уларнинг ўйинини яқиндан кўриш имконига эга бўлган.

"Криштиану менинг болаликдаги кумирим бўлган. Шу билан бирга, мен Месси билан бир жамоада ҳам ўйнадим. Улар мутлақо бошқача футболчилар. Бири ўнг оёқли, бири чап оёқли, бири кучли ва тоза ҳужумчи сифатида​ ҳаракат қилади, иккинчиси эса ўйинни яхшироқ ҳис қилиб, плеймейкер сифатида ҳаракат қилади", — деди Мбаппе.

Шунингдек, у "Роналду меҳнат маҳсули, Месси эса соф истеъдод" деган фикрга ҳам қарши чиқди.

"Роналдуда талант йўқ ёки Месси қаттиқ меҳнат қилмайди дейдиган инсон футбол ўйнамаган бўлади. Бундай фикрни бутса кийиб майдонга тушган одам айта олмайди", — деди француз ҳужумчиси.