Италияга йўл олаётган Жасур Жалолиддинов: Мени олмоқчи бўлган клуб, мени катта қилган «Бунёдкор»ни ҳам рози қилиши керак

Бир неча кун аввал “Бунёдкор” клуби футболчиси Жасур Жалолиддинов Италия Б серияси пешқадами “Беневенто” клубига ўтаётгани борасида клуб матбуот хизмати хабар берганди. Ҳамюртимизга клуб бош мураббийи Филиппо Индзагининг шахсан ўзи қизиқиш билдирган.

Ушбу маълумотдан сўнг SPORTS.uz сайти мухбири футболчи билан интервью ташкил этди. Фикрлари давомида Жасур Жалолиддинов хорижга йўл олишда қарорни “Бунёдкор” раҳбарияти ҳал этишини, клуб қачон қўйиб юбормоқчи бўлса ўшанда кетишини айтиб ўтди.

- Мен «Бунёдкор» академиясининг тарбияланувчисиман. Шу боис ҳаммаси ўзимнинг хоҳишимга боғлиқ эмас. «Бунёдкор» ўсишимга сабабчи жамоа. Бу клуб бўлмаганида ҳеч нима қила олмасдим. Академияга 8 ёшимда келган бўлсам, ўтган вақт давомида менга ота ўрнида ота, она ўрнида она бўлишди. Бу мени боқиб катта қилган клуб. Шунинг учун «Бунёдкор» нима деса шуни қиламан. Агар клуб икки йилдан кейин кетасан деса икки йил ўйнаб кейин кетаман, агар ҳозир кетасан деса ҳозир кетаман. Ҳаммаси «Бунёдкор»нинг қарорига боғлиқ. Мени олмоқчи бўлган клуб мени катта қилган «Бунёдкор»ни ҳам рози қилиши керак-да. Ҳар қандай ҳолатда ҳам кетадиган бўлсам, «Бунёдкор»ни рози қилиб кетаман. Ҳеч қачон жамоамни хафа қилиб кетмоқчи эмасман, - деди футболчи.

Интервьюнинг тўлиқ кўринишини қуйидаги линкда ўқишингиз мумкин >>>>>