ITTF: Бу йилги жаҳон чемпионатини 265 миллион томошабин кўрди

Жорий йилнинг 21-28 апрель кунлари Венгрия пойтахтида стол тенниси бўйича навбатдаги жаҳон чемпонати беллашувлари бўлиб ўтди. Халқаро стол тенниси федерацияси (ITTF) мазкур дунё биринчилигининг ёритилиши бўйича ўз тарихиаги рекорд натижаларни қайд этди. Бу рекордлар трансляция ва ижтимоий тармоқнинг ҳар қандай кўринишида ҳам кузатилди. 

Жумладан, мусобақа жаҳоннинг 145 мамлакатига 1176 соат давомида эфирга узатиб борилди. Ўтган йили 140 давлатга 862 соат трансляция узатилган эди. Умумий ҳисобда бу йилги мусобақани 265 миллион томошабин кўрган. 

Youtube ижтимоий тармоғида ҳам юқори статистикага гувоҳ бўлиш мумкин. Унга кўра турнир расмий саҳифаси 8,6 миллион маротаба томоша қилинган. Кўрилган дақиқалар эса 34,7 миллионга тенг. Шунингдек, "Instagram", "facebook" ва "twitter"даги саҳифаларда "лайк" тўплаб борасидаги рақамлар ҳам бир неча ўн миллиондан ошиб кетди. 

Мусобақа якуни эса кутилганидек бўлди. Жаҳон чемпионати регламентидан ўрин олган барча дастурларда хитойлик стол теннисчилар олтин медалларга эгалик қилишди.