Излаган имкон топади, эплолмаган...

Диёр Имомхўжаев ўзининг телеграмдаги каналида Осиё Чемпионлар лигасида плей-оффга йўлланма олишга жуда яқин турган "Насаф" ҳақида фикр билдирди.

"Насаф" Чемпионлар лигаси гуруҳ босқичини муваффақиятли якунласа, 1/8 финалдан бошлаб финалгача бўлган барча ўйинлар февраль ойида бўлиб ўтади. ОФК куз-баҳор тизимига ўтаётганидан хабардорсиз.

Менимча, ҳаммаси яхшиликка. "Насаф" мавсумга тайёргарликни эрта бошлайди. Футболчилар масаласида клубда ҳозирча муаммо йўқ. Асосий фигураларнинг барчаси билан бир неча йиллик шартномалар имзоланган ва бу борада Насаф тўғри йўлда.

Албатта куз-баҳор тизимига ўтилаётганидан катта муаммо ясайдиганлар топилади. Бироқ биласизми нима, 2003 йилдан буён ўтган 20 йил давомида тақвим араб ва форс клублари учун ноқулай бўлди. Шунга қарамай, 6 бор араблар жамоаси мусобақа ғолиби бўлди. 20 йил ичида фақатгина 2 дона финал араб ёки форс жамоаларисиз ўтди.

Излаган имкон, эплолмаган баҳона топади. Тўғри ишласак, биз шу тақвимга ҳам кўника олишимиз мумкин. Насиб бўлса, "Насаф" бундай муаммога дуч келадиган Ўзбекистоннинг биринчи клуби бўлади", - деб ёзди Имомхўжаев.