Жаҳон чемпионати. 2 нафар боксчимиз ярим финалга йўл олди

Хабарингиз бор, айни райтда Сербиянинг Ниш шаҳрида бокс бўйича аёллар ўртасида жаҳон чемпионатининг чорак финал баҳслари бўлиб ўтмоқда.

-50 кг вазнда Сабина Бобоқулова болгариялик Златислава Чуканова устидан 5:2 ҳисобида ғалаба қозонди. 

-60 кг да рингга кўтарилган Ситора Турдибекова эса Қозоғистон вакиласи Графейева Викторияга очколар бўйича имкониятни бой бериб қўйди.

-66 кг вазнда Навбаҳор Ҳамидова марокашлик Моуниа Тоутирега қарши баҳс олиб бориб, якунда 5:0 ҳисобида ғолиб чиқди.

-81 кг да Соҳиба Рўзметова Туркия вакиласи Бусра Исилдардан ҳакамлар қарори билан енгилди.   

Эслатиб ўтамиз, олдинда бизни Фарзона Фозилова, Феруза Казакова, Нигина Ўктамова ва Азиза Зокированинг жанглари кутмоқда. Улар ҳам ярим финал йўлланмаси учун рингга кўтарилади.