Жаҳон чемпионати тўпурарлари пойгасида вазият қандай?

2026 йилги жаҳон чемпионатида навбатдаги ўйин куни якунланди. Бу тур доирасида мусобақанинг 1/16 финал босқичидан қатор учрашувлар ўтказилди.

Ҳозирча тўпурарлар пойгасида пешқадамликни аргентиналик ҳужумчи Лионель Месси ва франциялик форвард Килиан Мбаппе бўлишиб турибди. Уларнинг ҳар бири ҳисобида учта ўйинда урилган олтитадан гол бор. Шу билан бирга, Мбаппе Мессига нисбатан бир ўйин кўпроқ майдонга тушган.

Бешта гол билан Норвегия терма жамоаси ҳужумчиси Эрлинг Холанд ва Англия форварди Ҳарри Кейн таъқиб қилиб бормоқда. Тўрттадан гол урган футболчилар қаторида Бразилия юлдузи Винисиус Жуниор, Сенегал ҳужумчиси Исмаила Сарр ва Франция терма жамоаси аъзоси Усмон Дембеле бор.

Эслатиб ўтамиз, 2026 йилги жаҳон чемпионати АҚШ, Мексика ва Канада мезбонлигида ўтмоқда. Турнир 11 июнда старт олган бўлиб, 19 июл куни якунланади. Амалдаги жаҳон чемпиони мақоми Аргентина терма жамоасига тегишли.