"Jahon chempionati U-20". Barcha guruhlardagi yakuniy holat bilan tanishing!
20 yoshgacha bo‘lgan futbolchilar o‘rtasidagi jahon chempionatida guruh bosqich o‘yinlari yakuniga etdi. 16 ta jamoa pley-off masalasini hal qildi.
"A" guruhida Argentina, O‘zbekiston va Yangi Zelandiya keyingi bosqichga chiqdi. Gvatemala esa ochko to‘play olmasdan 4-o‘rinni egalladi. Yangi Zelandiya 4 ochko jamg‘arib, 3-o‘rin bilan pley-off yo‘llanmasini qo‘lga kiritdi.
"B" guruhida AQSh, Ekvador hamda Slovakiya nimchorak final masalasini hal qildi. Fiji naq 16 ta gol o‘tkazib, so‘nggi o‘rinda qolib ketdi.
"C" guruhida intriga avjida bo‘ldi. Kolumbiya yutqazmasdan 1-o‘rinni qo‘lga kiritdi. Nimchorak finaldagi raqibimiz Isroil 2-o‘ringa ega chiqdi. Yaponiya esa 3 ochko bilan 3-pog‘onani band etdi. Ammo to‘plar farqi sabab (-1) terma pley-offga chiqa olmadi. Senegal esa 2 ochko to‘plagan holda oxirgi o‘rinda qoldi.
"D" guruhida bir emas, ikki emas, naq uchta jamoa 6 ochko to‘plashga erishdi. Braziliya birinchi, Italiya ikkinchi o‘rinni egallagan bo‘lsa, Nigeriya ham grandlar bilan teng ochko to‘plab, 3-pog‘onadan joy oldi. Dominikan Respublikasi ochko ulashuvchi terma bo‘lib berdi.
"E" guruhida Angliya peshqadam bo‘ldi. Urugvay ikkinchi, Tunis esa uchinchi o‘rin bilan nimchorak finalga yo‘l oldi. Osiyo kubogi finalchisi Iroq termasi so‘nggi pog‘onada qolib ketdi.
So‘nggi kvartetda sensatsiya yuz berdi. Gambiya 3 ta o‘yinda ham mag‘lub bo‘lmay, 7 ochko bilan etakchilikni qo‘lga oldi. Qit’adoshimiz Janubiy Koreya terma jamoasi esa 5 ochko bilan ikkinchi o‘rinni egalladi. Frantsiya 3 ochko bilan guruhda qolib ketgan. Gonduras 1 ochko to‘plab, kvartetda so‘nggi o‘rinda.
Fikrlar