Жаҳон чемпионатида шоҳсупага кўтарилган спортчилар тақдирланди

Бухородаги “Ҳумо” спорт мажмуасида Халқаро самбо кунига бағишланган жанговар самбо бўйича турнир бўлиб ўтди.

Мазкур мусобақада юртимизнинг турли ҳудудларидан келган 130 нафар спортчи ғолиблик учун куч синашди.  Иштирокчилар ўртасида жаҳон ва қитъа миқёсидаги мусобақаларда шоҳсупага кўтарилган самбочиларнинг борлиги беллашувларнинг кескин ва муросасиз ўтишини таъминлади.

Мусобқанинг очилиш маросимида яқинда Сербиянинг Нови Сад шаҳри мезбонлик қилган жаҳон чемпионати ғолиби Умарбек Олимов, кумуш медаль соҳиблари Худоёр Иброҳимов ва Тўрабек Исмоиловни тақдирлаш маросими ҳам ташкил этилди.