Жаҳон чемпионини Германияга чорлашмоқда

"Атлетико" вингери Тома Лемар "РБ Лейпциг"ни қизиқтириб қўйди. Бу ҳақда Sky Sport хабар бермоқда.

Немис гранди 24 ёшли франциялик футболчини жорий трансферлар ойнаси ёпилгунича ўз сафига қўшиб олмоқчи. Жаҳон чемпионининг трансфери эса 24 млн еврога баҳоланмоқда.

Лемар “Атлетико” сафида 2018 йилдан буён тўп суриб келмоқда. У ўтган давр мобайнида 72 та ўйинда майдонга тушди ва ўз ҳисобига 3 та гол ҳамда 6 та голли узатмага муаллифлик қилди. Унинг мадридликлар билан амалдаги шартномаси 2023 йилга қадар имзоланган.