Jahongir Ortiqxo‘jaev "Paxtakor" futbolchilariga: "Hech qachon maydonda o‘zingizni xafa qildirmang!"

4 mart kuni "Paxtakor" jamoasi “Surxon” mehmoni bo‘ladi. Bugun Qibraydagi "sherlar" qarorgohiga “Paxtakor” futbol klubi raisi Jahongir Ortiqxo‘jaev tashrif buyurib, futbolchilar bilan mavsum oldidan suhbatlashdi.

“Bugun “Paxtakor” yangilandi. Sizlarni ko‘rib ko‘zim quvnayapti. 5-6 nafaringizni inobatga olmasa, barchangiz yoshsiz. Bunday imkoniyat har doim ham bo‘lmaydi.

Futbolchining sportdagi hayoti qisqa. 2 yil qattiq mehnat qiling, pul sizni o‘zi quvsin. Men sizlar bilan hali katta loyihalarga qo‘l uraman.

Endi klubning asosiy strategiyasi yoshlarni Evropaga shu erning o‘zidan sotish bo‘ladi. Bu esa terma jamoamiz uchun ham foyda. Hech qachon maydonda o‘zingizni xafa qildirmang”, - dedi jamoa rahbari.