Жалолиддин Машарипов: Стадионга келинглар, биз Чемпионлар Лигасида бўлганидек чиройли футбол кўрсатишга уринамиз

Хабарингиз бор, “Пахтакор” ва АГМК жамоалари ўртасида Ўзбекистон кубоги финал учрашуви бўлиб ўтади. Финал олдидан ҳар иккала жамоа мураббийлари ва футболчилари иштирокида матбуот анжумани бўлиб ўтди.

Унда "шерлар" етакчиси Жалолиддин Машарипов қуйидаги фикрларни билдириб ўтди:

- Ўйинларимизни кўриб, қўллаб-қувватлаган барчага миннатдорчилик айтаман. Стадионга келинглар, биз Чемпионлар Лигасида бўлганидек чиройли футбол кўрсатишга уринамиз. Олдимизга ҳар уч мусобақада ғолиб чиқиш мақсадини қўйганмиз. Бунинг учун ҳаракат қиламиз, - деди Машарипов.